13 мобилни телефони и лаптоп пронајдени во затвор кај обвинет за „Пулс“

Во затворот кај обвинетиот Џеваир Камбери од Министерството за економија за случајот „Пулс“ биле пронајдени 13 мобилни телефони и лаптоп, информираше судијката Диана Груевска Илиевска непосредно пред почетокот на денешното рочиште и го опомена обвинетиот.

Тој изјави дека ги пронашол телефоните кога стигнал таму.

 -Ги пронајдов телефоните кога стигнав таму, изјави обвинетиот пред Судот.

Непосредно пред почетокот на денешното рочиште таа информираше и дека биле поднесени нови полномоштва за оштетени лица.

На денешното рочиште се очекува произнесување на вина и воведни зборови на одбраната.

Судењето се одвива под засилени безбедносни мерки, со присуство на обвинетите, роднини на жртвите, обвинителството, одбраната и бројни новинари. 

Обвинителството, застапувано од тим од 15 јавни обвинители, најави дека доказите ќе покажат оти клубот „Пулс“ бил смртоносна стапица уште од самиот почеток, резултат на систематска негрижа и институционални пропусти.

На обвинителна клупа седнаа 37 обвинети – сопственици, управители, инспектори, поранешни градоначалници, обезбедување и државни службеници, меѓу кои и Џеваир Камбери, кај кого биле пронајдени телефоните.

Во трагичниот пожар во дискотеката „Пулс“ во Кочани загинаа 63 лица, а над 200 беа повредени.

МИА