АХВ казни нерегистрирани производители на сирење во Прилеп и Скопје
Агенцијата за храна и ветеринарство (АХВ) казни нерегистрирани производители на сирење во Прилеп и Скопје, како и месарница поради неводење на дневна евиденција за потрошени суровини за производство на подготовки од месо.
Како што информираат од АХВ, во прилепското село Ново Лагово, индивидуален земјоделец е казнет поради нерегистрирано производство на сирење и му е наложено да ја регистрира дејноста.
Во Прилеп, исто така, е изречена казна на оператор со храна - месарница поради неводење на дневна евиденција за потрошени суровини за производство на подготовки од месо.
Преку нивните редовни и вонредни контроли на целата територија на земјава казнети се и физички лица на скопскиот зелен пазар „Буњаковец“.
- Нештетно се уништени 8 килограми сирење, 2 килограми кашкавал, 5 пакувања мед со саќе во количина од 4,5 килограми, кои немале документ за потекло, стои во соопштението од АХВ.
Оттаму дополнуваат дека контрола е спроведена и во сендвичарница на овој зелен пазар каде не се утврдени неправилности.
Ново на Сител
-
Опасност од нови силни врнежи: Жителите на Валенсија повикани да останат во своите домови
-
Новинарка во Скопје добила закани на социјалните мрежи
-
Пријава за сомнение за киднапирање на дете
-
Четворица мртви и 17 повредени во верижен судар во Мичиген
-
Силен земјотрес од 5,2 степени го погоди Халкидики
-
Орбан: Победата на Трамп ќе ја натера Европа да ја преиспита поддршката за Украина
-
Мајка пријавила во полиција обид за грабнување на нејзината тригодишна ќерка
-
Ембер и Зверев во финалето на Мастерсот во Париз