Акција за бесплатно и анонимно тестирања за Хепатит Ц во Рамстор мол во Скопје

Акција за бесплатно и анонимно тестирања за Хепатит Ц ќе се одржи денеска од 9:30 до 12 часот во ТЦ Рамстор мол во Скопје, по повод Светскиот ден за борба против хепатит, а во организација на Хепар Центар Битола. 

На акцијата ќе присуствува и заменик-министерот за здравство, Гоце Чакаровски. 

Целта на настанот е подигнување на свесноста за борба против Хепатитот Б и Ц, како јавноздравствен проблем на светско и на европско ниво. Статистиките на глобално ниво покажуваат дека 80 отсто од инфицираните со хроничен хепатит Б или Ц, доколку навремено не се третираат, може да добијат карцином на црниот дроб или малигното заболувње, хепатоцелуларен карцином, што претставува директна опаснот по животот на пациентот.

Хепар Центар Битола е дел од глобалното движење NOhep, под покровителство на Светската здравствена организација и светската алијанса за борба против хепатитот. Годинешната кампања на Хепар Центар Битола е поддржана од многу јавни личности, како што се групата Нокаут, Кире Лазаров, Влатко Илиевски, Биба Додева, Виолета Томовска, Катерина Ивановска, Митко С. Апостоловски и Гаро Тавитјан.