Акција за спасување на 24 бегалци и мигранти на Лезбос, еден починат
Во тек е акција за спасување на 24 бегалци и мигранти во југоисточниот дел на грчкиот остров Лезбос, кои се наоѓаат на копно, но во карпест непристапен дел, додека пак пронајдено е телото на маж, кој веројатно починал од премрзнатост.
Спасувачката акција за пренесување на бегалците и мигрантите на безбедна локација, како и потрагата за евентуално исчезнати лица се води преку море со помош на брод и хеликоптер на грчката крајбрежна служба и два приватни чамци.
Според локалните медиуми, чамецот веројатно вчера пристигнал на Лезбос, а во делот каде што бегалците и мигрантите ја поминале ноќта температурата била под нула степени.
Во однос на бегалските и мигрантските бранови во 2020 година, од Министерството за миграција и азил на Грција соопштуваат дека имало намалување за 80 отсто на пристигнувањата, додека пак бројот на баратели на азил кои престојуваат во земјата се намалил за 30 проценти во споредба со декември 2019 година кога имало 92.383 лица, наспроти 64.756 сега.
Министерот за миграција и азил на Грција Нотис Митаракис вели дека минатата година затвориле 57 прифатни центри, а отвориле само три нови.
-И во 2021 година ќе продолжиме по истиот пат, со истата решителност, со цел конечно справување со мигрантските бранови во нашата земја, рече Митаракис.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп