Ако имало провокација, ја осудувам – вели Заев за венчавката на Богдановиќ
Премиерот Зоран Заев денеска изјави дека осудува провокации од било каков тип, доколку ги имало на свадбата на градоначалникот на општина Центар кој викендот се венчаше во Грачаница.
Во изјавите на Богдановиќ, премиерот не можел да препознае такво нешто.
– Внимателно ги читав изјавите на градоначалникот на Центар кој доаѓа од редовите на СДСМ. Јасно кажа дека не чувствува дека тоа тука му е забрането во православните храмови. Тој тврди дека не сака ниту да ги поддржи, ниту нешто посебно да коментира за поединци коишто биле гости на свадбата. Тој се оградува. Вели – јас ја сакам мојата Република Македонија, живеам овде, имам голема чест да бидам градоначалник. Тоа е она што навистина го читав, рече Заев, одговарајќи на новинарски прашања.
Нагласи дека земјава ги почитува сите соседи и поттикнува дијалог што носи мир на Балканот.
– Односот што значи провокација меѓу кој било од нашите народи на Балканот, не го поддржувам и се оградувам од него. Апелирам на внимателност. Ние сакаме да бидеме Европа во периодот којшто претстои пред нас. Треба европски да се однесуваме и меѓусебно да се почитуваме, истакна Заев.
Најави дека одлуките за идните кандидати за градоначалници ќе се носат кон крајот на летото бидејќи локалните избори се во октомври следната година.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено