Албанскиот претседател Мета загрижен за депопулација на населението, пред се на младите
Албанскиот претседател Илир Мета повторно ја искажа загрженоста во врска со депопулацијата на населението, пред се на младите, кои ползувајќи ја и најмалата можност ја напуштаат земјата.
По панел дискусијата на тема „депопулација“ со учество на професори и експерти од оваа област, преку објава на Фејсбук, шефот на албанската држава наведува дека 80 отсто од младите кои студираат во земјата сакаат да заминат од Албанија.
Додава дека многу повисок е процентот на оние кои студираат во странство и не сакаат да се вратат во земјата.
Негова порака е дека на младите им треба надеж и доверба.
„Дури 80 отсто од младите кои студираат во Албанија сакаат да заминат, додека 94 отсто од оние кои студираат во странство не сакаат да се вратат назад. На младите им е потребна надеж и доверба“, напиша Мета.
Тој додава дека ним им е потребно квалитетно образование и услуги и секако безбедни работни места.
-Младите заслужуваат нови можности, да се почитува нивниот глас и да бидат дел од донесувањето одлуки. Подржувајте ги младите, за да престане депопулацијата, порачува Мета.
Светската организација(ОН) врз основа на својата статистика проценува дека од 1990 до 2020 година Албанија ја напуштле околу 1,2 милиони лица.
Станува збор за нето миграција, која вклучува разлика меѓу оние што се враќаат и оние што заминуваат.
Ново на Сител
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци