Антивладини протести во Судан
Неколку илјади луѓе денеска протестираа пред претседателската палата во Катрум незадоволни од преодната Влада и побараа војската да ја преземе контролата врз Судан.
Претставници на армијата и на цивилните групи ја делат власта во Судан од соборувањето на претседателот Омар ал Башир во 2019 година.
Тензиите се зголемени од септември кога приврзаниците на Башир се обидоа да извршат државен удар. Оттогаш воените лидери бараат реформи на коалицијата Силата на слободата и промени (ФФЦ), цивилниот сојуз, кој ги предводеше протестите против Башир и е дел од преодната влада.
Вооружените сили исто така побараа смена на владата, но според цивилните лидери војската сака да ја преземе моќта.
Демонстрантите скандираа „Долу владата на гладот“ и го повикаа генералот Абдел Фат ал Бурхан, шеф на вооружените сили и на заедничкиот воено-цивилен суверен совет, да ја преземе контролата врз земјата.
Суданскиот цивилен премиер Абдалах Хамдок во петокот претстави план за решавање на, како што рече, „најлошата и најопасна“ политичка криза во двегодишната транзиција на земјата.
– Јас не сум неутрален или посредник во овој конфликт. Мојот јасен и цврст став е целосна хармонизација со граѓанската демократска транзиција, истакна Хамдок.
Тој положи заклетва како премиер во август 2019 година, по масовните протести во април, при што армијата стави крај на 30-годишното владеење на Башир.
Сепак, поддршката за преодната влада опадна изминатите месеци, бидејќи економските реформи спроведени од Хамдок доведоа до намалување на субвенциите за гориво и зголемена инфлација.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО