AO: Мухова ја елиминира првата носителка Барти

Каролина Мухова приреди едно од најголемите изненадување на годинешното издание на Австралија опен. Тенисерката од Чешка во четврт-финалето со пресврт успеа да ја елиминира светската број 1, Ешли Барти.

 

Мухова славеше во три сета со 1/6, 6/3, 6/2 за 111 минути игра. Во полуфиналето Мухова ќе игра против Американката Џенифер Брејди.

 

До првото гренд слем полуфинале Мухова дојде на импресивен начин кога за 25 минути го загуби првиот сет, во кој освои само еден гем. Во првиот сет Мухова направи само еден винер и имаше 18 неизнудени грешки.

 

На почетокот од вториот сет таа побара медицински тајм-аут, кој траеше речиси 10 минути. Медицинските лица ѝ ги мереа пулсот и телесната температура. Потоа таа се врати на теренот и почна да игра многу подобро, а нејзината противничка правеше грешки во серија. Барти на крајот имаше 37 неизнудени грешки.

 

Мухова, 27. на ВТА-листата, во еден момент осови осум од девет гема.

 

Ова е нејзина втора победа над тенисерка од топ-5, а во сингл има само една титула во кариерата.

 

Мухова во полуфиналето ќе игра против 24. на ВТА-листата, Американката Џенифер Брејјди.

 

И Брејдо до најголемиот успех во кариерата дојде со пресврт во дуелот со сонародничката Џесика Пегула. Брејди победи со 4/6, 6/2, 6/1.