AO: Победи на првите носители

Бранителите на титулите на првиот Грен слем турнир во сезоната, Новак Ѓоковиќ во машка и Серена Вилијамс во женска конкуренција, со максимални победи го започнаа учеството на Аустралиан Опен.

 

Ѓоковиќ, во првото коло, рутунски славеше над тенисерот од Јужна Кореа, Хјеон Чунг со 3:0 (6:3, 6:2, 6:4). Мечот траеше нешто помалку од два часа, а на крајот Ѓоковиќ имаше 40 винери и 27 неизнудени грешки, додека тој однос кај Чунг беше 16/29.

 

Серена Вилијамс на стартот извојува тешка победа над Италијанката Камила Џорди. Американката славеше со 2:0 (6:4, 7:5), во меч во кој сервираше девет асови, а имаше и 19 винери и 22 неизнудени грешки.

 

Првото коло во машка конкуренција го минаа Гофан, Нишикори, Тим, Андухар, Алмагро, Бердих, Чилиќ, Гарсија-Лопез, Симон и Долгополов.

 

Кај дамите, во второто коло минаа Квитова, Суарез-Наваро, Младеновиќ, Радванска, Винчи, Бенчиќ, Никулеску, Кузњецова.

 

Првиот Грен слем во сезоната, кој во понеделникот започна во Мелбурн, се игра за награден фонд од 44 милиони долари.