Асад: Ќе ја повратиме цела Сирија

Сирискиот претседател Башар ал-Асад денеска во интервју за една данска телевизја најави дека неговите сили ќе ја повратат контролата врз целата земја, вклучувајќи го и Алепо, но наведе дека повеќе би сакал да до тоа дојде со помош на локални договори и амнестија која на бунтовниците им дозволува да заминат во други области.

Според транскрипт од интервјуто за данската телевизија ТВ2, Асад изјави дека во сириската војна не постојат умерени бунтовници и дека САД го користат фронтот „ Ал Нусра“ како „карта“ во конфликтот, пренесуваат британските медиуми.

Затоа, смеат тој, САД не сакаат да постигнат мировен договор според кој би се дозволеле воздушни напади врз фронтот „Ал Нусра“, затоа што оваа група е единствената нова „конретна и ефикасна карта во сириската арена“.

По силната офанзива и бомбардирања, сириската Влада, со поддршка на либанските и ирачките милиции, како и на Русија, на бунтовниците од некои области им понуди амнестија, што некои ја сметаат дека би можела да биде модел и за Алепо, каде веќе две недели трае жестоката офанзива на сириската војска, наведуваат британските медиуми.

Асад негираше дека сириските сили ги бомбардираат болниците и цивилните објекти во Алепо.

-Ние немаме политика на уништување на болници, училишта и такви објекти. Ако има такви напади од страна на војската, тогаш тоа би било грешка, рече Асад.