Австрискиот канцелар потврди дека сака да ги запре предизборните настапи на турските политичари
Во интервју за доцните вести на телевизијата австрискиот канцелар Кристијан Керн потврди дека има намера да ги забрани предизборните изјави на турските политичари во Австрија.
- Не треба да бидеме наивни, изјави Керн, бидејќи на крајот, сепак, станува збор за спротивставувањето на политичкиот ислам на европските вредности.
Според него, турскиот претседател Реџеп Тајип Ердоган забележливо провоцира, па затоа неопходно е да се забранат предизборните изјави на турските политичари во Австрија.
Овие изјави водат кон извртување на слободата на луѓето да се собираат, продолжи Керн, бидејќи на претстојниот референдум станува збор за укинување на демократијата во Турција во една или друга форма.
- Сметам дека турската страна веројатно ќе продолжи со оваа игра и во Австрија, изјави Керн.
„Не треба да се согласуваме со се. Прашањето на дипломатичност е да се сообразиш со одбивање на молбата за организирање настан“, продолжи австрискиот канцелар.
Тој прецизираше дека градоначалниците имаат право да ги спречат ваквите говори, како на пример, тоа што се случи во австриските градови Хорбранц, Винер Нојштат, Херцогенбург и Линц, каде со одлука на градоначалниците турските политичари не зборуваа пред своите сонародници.
Ваквите ситуации градоначалниците ги ставаат под голем притисок, па затоа соодветната законска измена ќе биде гест што ќе покаже дека за ова прашање Австрија има единствен политички став.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд