Азар за руската вакцина против Ковид-19: Важна е ефективноста а не да се биде прв
Министерот за здравство и социјала на САД, Алекс Азар, ја искоментира информацијата за тоа дека Русија официјално регистрирала прва вакцина против коронавирус во светот.
За регистрацијата на вакцината и за тоа дека таа е подготвена за употреба денеска соопшти рускиот претседател Владимир Путин.
-Главното не е во тоа да се биде прв во добивање на вакцина. Главно е да се има вакцина која е ефективна и безбедна за американскиот народ и за сите луѓе во светот, изјави министерот денеска во емисијата „Добро утро Америка“ на Еј-би-си.
Според него, Русија одобрила вакцина пред завршувањето на финалната, трета фаза клинички испитувања, а сепак досега не објавила никакви научни податоци од првите две фази.
Министерот додаде дека две од шест разработени вакцини во САД се наоѓаат во финален стадиум на тестирање, пред да бидат конечно одобрени за употреба од Управата за храна и лекови (ФДА) на САД.
-Сметаме дека се наоѓаме на вистинскиот пат за добивање на десетици милиони вакцини одобрени преку златниот стандард на ФДА до декември, и стотици милиони дози со почетокот на новата година, појасни тој.
Истакна дека тоа најмногу зависи од брзината на спроведување на клиничките тестови и вакцинацијата на луѓето, кои потоа се изложуваат на вирусот.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп