Белгија ја победи Данска и обезбеди осминафинале

Репрезентацијата на Белгија вечерва во Копенхаген ја совлада селекцијата на Данска со 2:1 во натпреварот од второто коло од групната фаза на Евро 2020.

Веќе во втората минута Данците го отворија резултатот преку Јусуф Поулсен. Торган Азар во 55. Минута изедначи на 1:1, додека Кевин Де Брујн во 70. минута ги постави конечните 2:1.

Во десеттата минута екипите одржаа акција за поддршка на данскиот играч од средниот ред Кристијан Ериксен, кој доживеа срцев удар на мечот против Финска.

Белгијците имаат шест бода и се лидери во групата Б. Тие веќе изборија пласман во елиминациската фаза. Данците го забележаа вториот пораз и се само со теоретски шанси за да ја поминат групата. Русија и Финска имаат по три бода.

Во третото коло Данска игра против Русија, а Белгија против Финска.