Ф1
3. November 2019 - 10:07

Ботас ќе тргне прв на ГП на САД, Хамилтон надвор од првите 3

Валтери Ботас ја забележа својата петта пол-позиција во сезоната и ќе стартува од првото место во трката за Гран-при на САД во Формула 1.

Пилотот на Мерцедес беше нешто над една десетина од секундата побрз од Себастијан Фетел. Трет заврши Макс Верстапен со Ред Бул.

Луис Хамилтон, лидер во генералниот пласман, овој пат остана на петтото место, но има одлична позиција за да ја обезбеди титулата уште овој викенд. Британецот нема да стане шампион уште во Соединетите држави ако Ботас победи, а тој е деветти или поназад. Во квалификациите пред Хамилтон, заврши Шарл Леклер (Ферари), кој е четврти.

Во топ 10 влегоа и Александар Албон (Ред Бул), Карлос Сајнц Џуниор (Мекларен), Ландо Норис (Мекларен), Даниел Рикардо (Рено) и Пјер Гасли (Торо Роси).

Трката е вечерва и започнува во 20:10 часот