Брисел: Со водени топови на демонстрантите

Белгиската полиција денеска употреби водени топови против учесниците во демонстрациите против мерките за штедење, воведени од Владата.

Повеќе десетици илјади демонстранти протестираа на улиците на Брисел против мерките на штедење на либералната Влада на премиерот Чарлс Мичел.

Полицијата процени дека околу 80.000 лица се собрале во центарот на Брисел, додека заедничкиот синдикален фронт, организатор на собирот, тврди дека биле над 100.000 лица.

Откако демонстрантите почнале да палат контејнери и да фрлаат со камења кон полицијата, безбедносните сили употребиле воден топ и солзавец. Во протестите повреден е еден полицаец, а тројца демонстранти се приведени.