Британско разузнавање: Материјата со која бил отруен Скрипал била произведена во руска воена база

Британското разузнавање тврди дека супстанцијата, со која бил отруен поранешниот руски шпион Сергеј Скрипал била произведена во руската воена научно-истражувачка база во градот Шихани, во Саратовската област, пишува денеска весникот „Тајмс“.

Британскиот весник коментира дека претставниците на британските служби ги информирале сојузниците на земјата за овој заклучок. Целта на специјалниот состанок била да се убедат светските лидери дека Русија е одговорна за труењето на Скрипал и оти хемискиот агенс „Новичок“ бил произведен во базата Шихани, во југозападната Саратовска област.

Британската воена лабораторија во Портон Даун во вторникот ги објави своите заклучоци според кои при нападот бил користен „Новичок“ или слична метерија, но и дека не успеала да го утврди нејзиниот извор.