Бугарија: Бесплатни екскурзии за ученици и наставници

Бугарија повлече чекор за спас на домашниот туризам, а тоа првично се бесплатните екскурзии за ученици и наставници, соопштија тамошните власти.

Според министерот за образование Николај Денков, ова значи дека 30.000 ученици ќе имаат можност за неплатен престој во одреден број туристички места.

– Ова ќе се случи преку тур-оператори. Со нив ќе има и медицински персонал, кој исто така ќе може бесплатно да ги минува одморите. Едно од најголемите влијанија на пандемијата е намалувањето на социјалните контакти, кое има сериозно влијание врз децата. Една од главните цели е да се создаде такво опкружување за нив. Така, една недела тие ќе ги минуваат своите одмори бесплатно и, истовремено, ќе му се помогне и на туристичкиот сектор, рече Денков.

Притоа, од едно училиште, право на бесплатно патување ќе имаат најмногу 70 ученици, независно од возраста.