Церемонијата за вклучување на Коби Брајант во „Куќата на славните“ може да се одложи
Генералниот директор на кошаркарската „Куќа на славните“ Џон Делова изјави за „Бостон глобус“ дека церемонијата за влез на Коби Брајант закажана за 29-31 август може да биде одложена поради пандемијата на коронавирус. Одлука за ова прашање се планира да се донесе оваа недела.
Датумот на резервен термин за тридневниот настан е 9-11 октомври. Сепак, Делова не го исклучува преместувањето на церемонијата до следната пролет.
Брајант почина во хеликоптерска несреќа со својата 13-годишна ќерка и седум други лица во јануари годинава. Коби играше во Лос Анџелес Лејкерс 20 години и важи за еден од најдобрите играчи во историјата на НБА.
На 4 април беше објавено дека Брајант ќе биде вклучен во „Куќата на славните“ постхумно и една година пред предвиденото.
Според правилата, кошаркарите ја добиваат оваа чест не порано од пет години по завршувањето на кариерата. Коби ги заврши своите настапи во 2016 година.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп