Чанак бара да му се одземе пратеничкиот мандат на Шешељ
Ненад Чанак од Лигата на социјал-демократите на Војводина денеска побара да се свика седница на српското Собрание, со цел да му се одземе пратеничкиот мандат на Воислав Шешељ од Српската радикална странка.
Шешељ неделава беше прогласен за виновен од страна на Хашкиот трибунал за воени злосторства, но беше осуден на десет години, колку што досега има одлежано во притвор. Поради тоа, Шешељ останува на слобода во Србија, но според Чанак, поради пресудата треба да му биде одземен мандатот.
- Лошо е за угледот на Парламентот во собраниските клупи да седи човек осуден за воени злосторства, за поттикнување на прогон на Хрватите во 1992 година, изјави Чанак.
Според законските одредби, мандатот може да биде одземен доколку пратеник е осуден на казна затвор од најмалку шест месеци.
Ново на Сител
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје