Четворица добитници на државната награда „11 Октомври“ за 2015 година

Државната награда „11 Октомври“ во областа на културата и уметноста оваа година ќе ја добие академик Митко Маџунков, писател, а во областа на науката и образованието ќе им биде доделена на проф. д-р Никола Јанкуловски, дигестивен хирург; проф. д-р Махмуд Хиса, професор по албански јазик, и на проф. д-р Марјан Димитријевски, историчар и научен работник.

Добитниците на наградата за 2015 година ги соопшти Министерството за култура. Признанијата ќе им бидат врачени на 11 октомври 2015  (недела) во 12 часот во Собранието на Република Македонија.

Наградата „11 Октомври“ е највисоко признание за животно дело во областа на науката,  уметноста, стопанството и другите дејности од јавен интерес на Република Македонија.