Црна Гора: Фрлени две бомби во куќа на полицаец, убиено едно лице
Црногорската полиција во престрелка уби напаѓач кој пукаше во нејзини припадници за време на истрага за бомбашки напад на куќа на полицаец во Подгорица, пишуваат дел од локалните медиуми.
Во населбата Коник изутринава фрлени се две бомби на куќа на полицаец, а едната експлодираше. Потоа следуваше полициска истрага и пронајдени се две осомничени лица. За време на нивна идентификација и обид за приведување, еден од осомничените пукаше кон полициските службеници, наведуваат од Управата на црногорската полиција.
Лицето било тешко повредено и пренесено во Клиничкиот центар, по што му подлегнало на повредите. Другиот осомничен бил уапсен.
Црногорската полиција беше мета на критики на јавноста откако не успеа да го неутрализира напаѓачот Вук Бориловиќ, кој ги уби своите потстанари, а потоа пукал и на соседите и на полициските службеници. Во нападот имаше 11 жртви, а се тврдеше дека напаѓачот бил убиен од сограѓанин.
Речиси два месеца по инцидентот, истрагата не покажа кој го уби Бориловиќ, наведуваат дел од медиумите.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени