Дехари и советниците во општина Кичево ги добија уверенијата

Општинската изборна комисија денеска му го додели уверението на новоизбраниот градоначалник на општина Кичево Фатмир Дехари.

Ова е втор мандат на Дехари кој ја доби довербата на мнозинството граѓани да раководи со оваа локална самоуправа и во наредните четри години.

По добивањето на уверението од страна на преседателот на општинската изборна комисија Антигона Сефери, новоизбраниот градоначалник Фатмир Дехари рече дека работи и ќе работи во интерес на сите граѓани без оглед на нивната верска и етничка припадност.

Уверенија добија и сите 23 советници во Советот на општина Кичево. Во советот на општината девет советнички места освои ДУИ, шест ВМРО-ДПМНЕ, четири СДСМ, три Алијансата за Албанците и едно Движењето Беса.