-->
-->
Делчево со повик до граѓаните да се приклучат на утрешната акција за пошумување
-->
Со цел зголемување на бројот на садници во Делчево, утре (23 ноември) во Делчево ќе се одржи акција за пошумување. Акцијата е во организација на Општина Делчево, од каде ги повикуваат граѓаните на масовно учество.
- Упатуваме повик до сите граѓани, институции и здруженија да земат масовно учество во акцијата за пошумување со цел сите заедно да дадеме придонес во збогатување на зеленилото и во зголемување на бројот на садниците во градот со што ќе покажеме дека се грижиме за чистиот амбиентален воздух во Делчево. Акцијата ќе се спроведе на неколку локации, а собирно место за учесниците е паркингот пред Спомен дом АСНОМ, информираа од Општината.
Акцијата се спроведува паралено со кампањата против загадување на воздухот, а освен граѓаните во акцијата со свои активности за подготовка на теренот ќе се вклучат и Јавното комунално претпријатие „Брегалница“ и Јавното претпријатие „Национални шуми“- ПШС „Голак“ Делчево.
- Садниците ќе се засадуваат во делот од мостот на река Габровчица и паркот кај езерцата до градскиот стадион, при што се планира да се засадат околу 100 садници од јавор и јасен, како и чемпреси и липи во парковите во центарот на градот, додадоа организаторите.
Акцијата започнува во 9 часот, а учесниците со себе треба да понесат и соодветен алат за пошумување. Последната акција за пошумување во Делчево беше спроведена во 2015 година, под мотото „Зачувај ја својата иднина“.
-->
-->
-->
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање