Делчевскиот регион зафатен од невреме со град

Делчевскиот регион денеска попладне го зафати невреме со град. Врнежите биле најизразени во село Ѕвегор, каде мештаните информираат за оштетувања кај овошните насади.

– Конкретно, на мојот посед најпогодена од градот е модрата слива, како и компирот и раноградинарските култури. Ова е втор пат за една недела да бидеме погодени од вакво невреме. Среќа во несреќа е што градот беше краткотраен и штетите кои се предизвикани од овие врнежи се минимални, вели Сашо Мановски, жител на село Ѕвегор.