Македонија
24. May 2020 - 18:02

Детектор: Граѓаните очекуваат релаксација на рестриктивните мерки

Граѓаните очекуваат релаксација на рестриктивните мерки, покажува последното истражување на јавното мислење кое за Детектор го спроведе Институтот за политички истражувања Скопје.
Во однос на очекувањата на граѓаните за рестриктивните мерки, 59,3% од нив сметаат дека следниот месец, мерките ќе бидат помалку рестриктивни, 23,2% не очекуваат некоја промена додека 7,4% очекуваат мерките да станат уште порестриктивни.

Во однос на економската состојба, 30,7% од граѓаните очекуваат таа во наредниот месец да се подобри, додека 30,5% очекуваат влошување. 27,5% од граѓаните сметаат дека таа ќе остане иста како и досега.
Истражувањето на јавното мислење е спроведено телефонски во периодот од 13 до 14 мај годинава, врз репрезентативен примерок од 1108 испитаници со маргина на грешка од плус-минус 3%.