Детски лирски треперења во Охрид

Во организација на Сојузот за грижи и воспитување на децата на Македонија, од 26 до 28 мај во Детското одморалиште „Радости“ во Охрид, по триесет и осми пат ќе биде одржана традиционалната поетска манифестација „Детски лирски треперења“ и „Недовршен расказ“ од областа на сообраќајот и екологијата. 

На оваа литературна средба ќе учествуваат и петмина млади есеисти од втората книжевна манифестација „Есен во Гази Баба“ (наградени на конкурсот „Есеј во есен“).

На 38. Детски лирски треперења ќе гостуваат четириесетина талентирани млади литерати од голем број основни училишта од земјава со своите ментори-наставници, а поетските и прозните текстови ќе бидат објавени во заедничкиот алманах „Крајезерски бранувања“.

Учениците и менторите ќе добијат дипломи, а поетското дружење ќе го збогатат и познати писатели за деца и млади, меѓу кои и Киро Донев, Горјан Петревски, Ванчо Полазаревски, Ксенија Трајчева, Виолета Ѓуровска и други.