Девет сообраќајки вчера во Скопје, тешко повреден патник во автобус
Патник во автобус е тешко повреден, а уште шест лица се здобиле со полесни повреди во шест од вкупно девет евидентирани сообраќајни несреќи во изминатото деноноќие во Скопје. Три од сообраќајките се со материјална штета.
Како што информираа за МИА од СВР - Скопје сообраќајната полиција санкционирала шест возачи кои се движеле со брзина поголема од дозволената, тројца не ги почитувале светлосно сообраќајните знаци, 23 без возачка дозвола, односно со нерегистрирано возило, како и 13 возачи за користење мобилен телефон.
Затекнати се и 54 непрописно паркирани возила и 29 пешаци кои поминале вон обележан пешачки премин, односно поминале на црвено светло на семафор.
Со помош на специјалното возило „Пајак“, во текот вчерашниот ден отстранети се 78 возила кои во поголема мера го попречувале нормалното одвивање како пешачкиот така и моторниот сообраќај.
Во рамки на квалификациите за Европското првенство во ракомет во СЦ „Борис Трајковски“ вечер во 18:30 часот ќе се одигра меѓународен натпревар помеѓу репрезентациите на Македонија и Украина. За непречено и безбедно одвивање на натпреварот сообраќајната полиција најавува соодветни мерки за сообраќајно обезбедување, а по потреба и пренасочување на сообраќајот.
Ново на Сител
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола
-
Јунајтед ќе го продолжи договорот со Гринвуд
-
Алонсо по победата над Рома: Сè беше прилично јасно, навистина настапивме на високо ниво