Дојави за бомби во две средни училишта во Скопје

Две скопски средни училишта утрово добиле пораки на мејл дека во нивните згради била поставена експлозивна направа.

Од МВР го потврдија случајот.

„На 08.04.2025 во СВР Скопје од две училишта во Скопје е пријавено дека на електронските адреси добиле дојава за наводно поставена експлозивна направа. Веднаш се преземени соодветни мерки и активности, извршени се потребните проверки и утврдено е дека се работи за лажни пријави“, информираат од МВР.