Државниот врв на Малта е непожелен на погребот на убиената новинарка

По барање на семејството на новинарката Дафне Карауана Галација, која минатиот месец беше убиена во бомбашки напад, претставниците на Малта нема да присуствуваат на погребот, што ќе биде одржан во текот на денот. 

На Малта денеска е прогласен Ден на жалост, со цел да и се оддаде почит на Галација, која истражуваше дали високите малтешки функционери се вмешани во корупција. 

Кабинетот на претседателката на Малта, Мари-Луис Прека, соопшти дека преку посредник претседателката била известена оти не е пожелна на погребот. 

Малтешките истражни коргани, заедно со меѓународни експерти и ФБИ го истражуваат убиството на новинарката.