Државните службеници во Словенија мора да имаат доказ за вакцинација до 1 октомври
Сите вработени во државната администрација во Словенија ќе треба да се вакцинираат против Ковид-19, а негативниот тест за коронавирус веќе нема да им биде доволен за да дојдат на работа, како и за останатите невакцинирани граѓани, одлучи словенечката Влада.
За да можат да работат, ако досега не се вакцинирани или веќе ја прележале болеста, ќе треба да докажат дека ја примиле првата доза од вакцината до 1 октомври и втората до 1 ноември, освен ако не се одлучиле за вакцината Џонсон и Џонсон, која обезбедува заштита по примена една доза.
Одлуката, со која сака да се даде пример за остатокот од населението да се вакцинираат колку е можно поскоро, ја донесе Владата доцна синоќа на седница, а подетално ќе биде објаснета денеска на прес-конференција.
Заострувањето на анти-епидемиските мерки според кои за работа, јавниот превоз, одењето во трговски центар, банка или пошта, како и голем број други активности, е потребно сертификат за вакцинација против коронавирус или негативен тест, е во сила од средата, кога во Љубљана се одржаа антивладини протести, на кои по инцидент интервенираше полицијата.
Според објавената анкета пренесена од медиумите, повеќе од 40 проценти од луѓето се против такво заострување на мерките, а многумина таквите услови за работа ги сметаат дискриминаторски.
Премиерот Јанез Јанша изјави дека и покрај протестите и незадоволството, Владата нема да се откаже од своите мерки против ширење на инфекцијата, а ограничувањата по самото објавување во голема мера го зголемија интересот за вакцинација.
Ново на Сител
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари
-
Извозот на компаниите од ТИРЗ во април 300 милиони евра
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието