Два вида коронавирус откриени истовремено кај едно лице во БиХ
На Одделот за клиничка микробиологија на Универзитетскиот клинички центар на Република Српска се изолирани британскиот и јужноафриканскиот вид на новиот коронавирус. На овие видови биле позитивни 62 примероци, а еден примерок бил позитивен дури и на двата вида.
Тестирањето било извршено на 93 позитивни примероци со тестови наменети за идентификување на британскиот и јужноафриканскиот вид.
Имајќи предвид дека на крајот на февруари имаше забележително зголемување на позитивните резултати од вкупниот број извршени тестови, и зголемување на бројот на хоспитализации, како и повторно заболување на луѓето кои веќе страдале од Ковид-19, оваа институција одлучила да спроведе ваков вид на тестирање со цел да се следи динамиката на циркулација на мутантната форма.
Од првиот сет на примероци, кој го опфаќа периодот на првата половина на март (од 1 март до 15 март 2021 година), беа избрани 93 примероци, што покажа дека мутантната форма N501Y е присутна во 66,66 проценти од примероците, или две третини тестирани.
Интересно е што еден примерок бил позитивен на двете форми на вирус во исто време. Мутацијата N501Y е присутна во британскиот вид Б.1.1.7 и во јужноафриканскиот вид 501W2. Разликата помеѓу овие два вида може да се направи со секвенционирање.
Во регионот во моментов од овие два вида доминира британскиот вид Б.1.1.7. Институтот планира да ја изврши следната анализа за примероците собрани од 15 март до 31 март за да ја следи динамиката на циркулација на овие видови.
Ново на Сител
-
Го славел раѓањето на син со пријателите и го загубил животот во пожарот во „Пулс“
-
Додека Македонија тагува, настан за дрифтање со 300 возила кај „Борис Трајковски“ | ВИДЕО
-
Поведена постапка против 11 лица, за осум веќе е поднесен предлог за краткотраен притвор
-
Клековски: Вечерва пристигна еден тим од ВМА Белград, а во очекување сме на тимови од Чешка, Израел и Белгија
-
На Клиниката во Ниш примена пациентка со тешки повреди од пожарот во Кочани
-
Бугарското МЗ објави контакт број за роднините на настраданите кои се пренесени таму на лекување
-
Бискупот Стојанов упати сочувство за настраданите во Кочани
-
Папата Фрањо жали за жртвите од дискотеката во Кочани