Една третина од 270-те китови насукани во Тасманија најверојатно се мртви
Напорите да се спасат преостанатите пилот китови насукани на западниот брег на австралиска Тасманија денеска влегоа во критична фаза, бидејќи експертите стравуваат дека една третина од 270-те цицачи веќе се мртви.
Китовите се насукаа вчера на три локации во пристаништето Меккури, во близина на градот Страхан.
Биологот за диви животни во програмата за зачувување на морињата, Крис Карлион изјави дека повеќето од китовите се недостапни со брод и до синоќа околу една третина од китовите веќе умреле.
Спасувањето ќе биде бавно и постепено, со тим од околу 60 спасувачи кои се принудени да ги насочат своите напори кон китовите „со најголеми шанси“.
– Некои животни може да бидат едноставно премногу големи или на несоодветна локација, рече Карлион.
– Во врска со масовните насукувања во Тасманија, ова е најсложеното со кое моравме да се справиме, додаде тој.
Околу 200 китови се насукани на песочна плоча покрај Макквари Хедс, помала група има има неколку стотици метри подалеку, а уште околу 30 се наоѓаат покрај плажата Океан.
Карлион рече дека спасувањето веројатно ќе трае со денови, но пилот китовите со долги перки се робустен вид и „доколку условите останат исти, тие можат да преживеат неколку дена“.
Масовните насукувања не се невообичаени во близина на островската држава Тасманија, но повеќе од една деценија немало инцидент со повеќе од 150 животни.
Карлион рече дека причините за насукувањето често остануваат непознати и оти може да се работи „едноставно за несреќа“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово