Едно лице обвинето за убиството на Бурим Идризи на улицата „Џон Кенеди“
– Обвинетиот на 20 декември 2017 година на автобуска постојка на улицата „Џон Кенеди“ во Скопје, наспроти училиштето „Цветан Димов“, со умисла го лишил од живот лицето Бурим Идризи, а го довел во опасност и животот на уште тројца други оштетени. Додека сега починатиот со останатите оштетени стоел на постојката, обвинетиот со автомобил „застава југо“ застанал од спротивната страна на коловозната лента и излегол од возилото со огнено оружје во рацете. Тој ја претрчал коловозната лента, се доближил до жртвата и испукал кон него 20 куршуми со калибар 7,62х39мм. Притоа, Идризи се здобил со повеќе огнострелни повреди кои резултирале со брз смртен исход, а со телесна повреда се здобил и еден од оштетените, се наведува во соопштението од Јавното обвинителство.
Надлежниот јавен обвинител до Судот доставил и посебен предлог за продолжување на определената мерка притвор за обвинетото лице, бидејќи постои опасност од бегство како и околности кои упатуваат дека тој би можел да го повтори кривичното дело. Притоа обвинителот го ценел и фактот што обвинетиот веднаш по настанот се даде во бегство и речиси две години не беше достапен на органите на прогонот.
Ново на Сител
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје
-
Утревечер седница на Советот за безбедност на ОН за Босна и Херцеговина по барање на Русија