ЕК: Отворањето на преговорите зависи од Европскиот совет, не од нас
Европската комисија денеска негира дека било-кој од Комисијата му дал ветување на лидерот на СДСМ Зоран Заев за отворање на преговорите за членство на Република Македонија во Европската унија, доколку влада што тој би ја предводел ја превземе власта во македонската држава.
Како што јавува дописникот на МИА од Брисел, портпаролката на Еврокомисијата, Маја Коцијанчич, денеска на прес-конференција во Брисел потврди дека за отворање на пристапните преговори на Македонија со Унијата одлучува Европскиот совет, а не Комисијата, со што го негираше тврдењето на Заев за некои македонски медиуми дека Високата претставничка Федерика Могерини, како и еврокомесарот Јоханес Хан, му ветиле почеток на пристапните преговори во случај тој да стане македонски премиер.
- Како што знаете, ние не коментираме коментари и јас нема да коментирам туѓи коментари. Но, вие сте свесни какви се правилата и препораките на Комисијата за отворање на преговорите со вашата земја, условена со имплементацијата, односно имплементирањето на договорот од Пржино и Итните реформски приоритети во земјата. Отворањето на пристапните преговори, кога овие услови ќе бидат исполнети е одлука што ќе ја донесе Советот, одговори Коцијанчич.
Портпаролката на Хан, исто така беше запрашана дали еврокомесарот за преговори за проширување го доби писмото од професорката по Уставно право на Правниот факултет во Скопје, Тања Каракамишева-Јовановска и неколку интелектуалци и професори од Македонија, во однос на (не)уставноста на потезите што некои македонски политичари ги влечат изминатиот период и дали Хан одговорил на писмото:
- Треба да проверам дали писмото е примено, но обично кога добиваме писма, ние одговараме на нив, одговори Коцијанчич.
Притоа на нејзиниот одговор на пресот во Еврокомисијата се приклучи и главниот портпарол на ЕК, Маргаритис Схинас.
- Да, ние имаме навика да одговараме на писма - додаде шеретски шефот на гласноговорничкиот сервис на неформалната Влада на Европската унија.
Популарно од Македонија
Ново на Сител
-
Лишен од слобода скопјанец, одземени две товарни возила со криумчарена стока на македонско-косовската граница
-
41-годишник со камења ги мавал даночните контролори на локалитетот “Куклица”
-
Успешно заокружен првиот циклус од Лидерската академија на Flex Group: Стратешка инвестиција во развој на менаџерскиот кадар
-
Савески: Одлуката за жалба за „Талир 2“ ќе биде донесена по анализа на пресудата, а Ленче Ристоска ќе постапуваше доколку не поднесеше оставка
-
Зголемен бројот на ученици и студенти сместени во домови и интернати
-
Жителка на неготинско Долни Дисан измамена за 49.087 денари
-
Мицкоски: Ги исполнуваме обврските од европската агенда, реформите продолжуваат и покрај блокадите на Изборниот законик
-
Кај кавадарчанец пронајдени и одземени 262 куршуми, 51 ловни патрони
