ЕУ ги намалува парите за развој на сиромашните региони

Земјите-членки на Европска унија денеска постигнаа договор да ги намалат средствата за сиромашните региони, првенствено во Источна Европа, во буџетот за следната година.

Во исто време се договорија да ги зголемат расходите за управување со бегалските кризи и за стимулирање на економскиот раст.

- Предлогот на Европска комијсија за зголемување на парите за справување со мигрантската криза во буџетот на ЕУ за 2017 година беше поддржан од сите европски влади. Тоа ќе доведе до зголемување до приближно 25 проценти на средствата за миграцијата и за безбедноста во споредба со тековната година, соопшти Советот на ЕУ.

Буџетот за миграцијата во 2017 година ќе достигне до 5,2 милијарди евра, а средствата ќе бидат наменети за зајакнување на внатрешните граници, за распределба на кандидатите за азил и за интеграција на мигрантите. Уште 2,2 милијарди евда ќе бидат наменети за акции надвор од ЕУ односно за борба со причините за мигрантските бранови.

Европските влади изгласаа и зголемување за девет проценти односно до 19 милијарди евра за финансирање на европските проекти за стимулирање на економскиот раст и создавање на работи места