Федерер ќе се пензионира по Лејвер купот
Еден од најдобрите тенисери во светот, Роџер Федерер објави дека одлучил да стави крај на кариерата.
Четириесет и едногодишниот Швајцарец најави дека неговиот последен турнир ќе биде Лејвер купот. Тој поради бројните повреди нема да може да ја продолжи кариерата.
Федерер последен пат се појави на теренот во јули минатата година во рамките на Вимблдон. Оваа година Лејвер купот ќе се одржи од 23 до 25 септември во Лондон.
Роџер Федерер го освои Вимблдон осум пати, Австралија Опен шест пати, УС Опен пет пати и Ролан Гарос еднаш. Вкупно освои 103 АТП турнири.
Швајцарецот 310 седмици беше првиот рекет на светот. Федерер, исто така, го држи рекордот како број еден непрекинато – 237 последователни недели.
Покрај тоа, Федерер е победник на Дејвис купот и олимписки шампион во Пекинг 2008 во парови.
Ново на Сител
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година