Македонија
26. February 2021 - 15:56

Филипче ќе се вакцинира откако ќе поминат првите групи со најголем ризик

Министерот за здрваство Венко Филипче изјави дека ќе се вакцинира против Ковид-19 откако ќе поминат групите на здравствени работници со најголем ризик од инфекција.

– Навистина не би сакал да земам место на некој кој има многу поголем ризик од мене да заболи. Тоа се сепак колегите лекари, медицински сестри  кои секојдневно работат во Ковид центрите каде се хоспитализирани пацинети со Ковид, матичните лекари кои имаат секојдневно  контакт со пациенти се во исклучително висок ризик и вработените во лабораториите. Нека поминат овие првични групи, јас ќе се вакцинирам, понатаму, сигурно, рече Филипче одговарајќи на новинарско прашање на денешниот прес пред Министерството за здравство.