ФК Војводина го ангажираше Андреас Бреме

 

 Легендарниот германски фудбалер Андреас Бреме ангажиран е во српскиот фудбалски клуб Војводина со цел позиционирање на клубот во државата и странство, јави РТ Војводина.

 

– Ниту еден момент нема да се мешам во работата на тренерот Ивановиќ. Моја задача ќе биде да работам со луѓето во управата да добие клубот позиција каква што заслужува, изјави Бреме.

 

Некогашниот германски репрезентативец и член на Баерн, Интер и Кајзерслаутерн беше претставен денеска во Нови Сад во дршуство со претседателот на НО на клубот Драгослав Вуковиќ.

 

Од новосадскиот клуб нагласија дека „Војводина презема исчекор во однос на вообичаените фудбалски релации во Србија“.

 

Бреме ќе остане запаметен по тоа што со гол во 85 минута за репрезентацијата на Германија и донесе титула првак во светот во финалето против Аргентина во 1990 година во Италија.