Футуристички бизнисмен на улиците на Скопје!

Го возат и стари и млади но денеска видовме ретка глетка, господин со велосипед, одело и кравата на улиците во н.Аердром и патем безгрижно си разговара на телефон. 

Живко Здравковски поранешен спортски новинар а сега работи како дипломиран правник:

-Велосипедот ми е главно превозно средство од како знам за себе. Патувајќи порано по Европа на спортски настани среќавав луѓе од разни занимања и активности како елегантно облечени се возат по метрополите со велосипед.  Таа слика ми остави впечаток и еве сега и јас во секоја пригода го користам велосипедот а бидејќи мојата работа ми налага дрес-код често го возам и со одело и кравата.  Се разбира мобилниот телефон постојано ми ѕвони и така се навикнав да ги вршам разговорите додека ги вртам педалите што и ми го скратува времето на патување како во оваа прилика кога дојдов до н. Аеродром од н. Карпош каде што живеам.  Им порачувам на сите да ги остават автомобилите и да прејдат на велосипеди.  Мешаницата на скопските улици бргу ќе ги трансформира скопјани и токму вака ќе изгледа футуристички скопски бизнисмен тврди Здравсковски кој вели дека велосипед возат и неговите дечиња и дека со тоа и здравјето добива....