Газпром ќе повлекува вработени од својата канцеларија во Лондон

Руската компанија Газпром најави дека ќе повлече стотици службеници поставени во странски држави, пред се во Британија, и ќе ги премести нивните работни места во Санкт Петерсбург.

Најавата доаѓа во период на зголемени тензии меѓу Британија и Русија, по нападот со хемиско оружје врз поранешниот руски таен агент Сергеј Скрипал и неговата ќерка, кои пребегаа во Британија. Британската Влада ја обвини Русија за нападот во градот Салисбури.

Најголемата канцеларија на Газпром надвор од Русија е во Британија, со околу 1.000 вработени. Газпром има вкупно околу 2.000 луѓе вработени во канцелариите во Лондон, Париз, Хјустон, Сингапур и низ Германија.