Газпром со план за инвестиции од 2,5 милиајрди долари во Белорусија

Газпром планира до 2020 година да инвестира во мрежата за пренос на гас во Белорусија до 2,5 милијарди долари. Тоа се вели во материјали објавени по повод денешната посета на рускиот претседател Владимир Путин на Минск.

Рускиот енергетски гигант е сопственик на белорускиот дел од гасоводот Јамал-Европа.

Според документот, до 2020 година Газпром планира да инвестира во развојот на гасоводниот систем на Белорусија од два до 2,5 милијарди долари.

Русија е главен испорачател на нафта и природен гас во Белорусија. Белорусија и Русија имаат стратешка соработка во енергетиката.