Германија купува нов препарат со антитела за лекување од Ковид-19
Веќе неколку вакцини се произведоа против коронавирусот, но медикаменти за лекување на болните се уште се малку. Германскиот министер за здравство Јенс Шпан закупил 200.000 дози од препарат, кој му помогнал на поранешниот американски претседател Доналд Трамп при инфицирањето со Ковид-19.
Германската Влада купи нов лек базиран на антитела, пишува „Тагесшау“.
– Од следната недела, Германија ќе стане првата земја во ЕУ, во која ќе се користи овој лек. Федералната Влада купи 200.000 дози за 400 милиони евра, што изнесува 2.000 евра за една доза, потврди Шпан.
Според информациите, со овој лек базиран на антитела, поранешниот американски претседател Доналд Трамп се лекувал кога се заразил со коронавирус.
Антителата делуваат како пасивна вакцина. Инјектирањето на овие антитела може да помогне при спречување на тешки заболувања кај ризични пациенти во рана фаза. Весникот „Тагесшау“ потсетува дека на почетокот на октомври, Трамп бил третиран со коктелот REGN-COV2 на американската компанија „Регенерон“.
Активната состојка на REGN-COV2 е комбинација од две специјално развиени антитела, кои се врзуваат со т.н. „заразен“ протеин на коронавирусот и на тој начин можат да ја деформираат неговата структура. На тој начин може да се спречи коронавирусот да ги нападне човечките клетки и да се развива. Според „Регенерон“, комбинацијата на две различни антитела треба да спречи мутација на вирусот Sars-COV2.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“