Голем шумски пожар во струшко, во гаснењето вклучен хеликоптер на МВР
Голем шумски пожар беснее во близина на струшкото село Делогожда, потврди за МИА командирот на Територијалната против пожарна единициа Струга, Фети Мазари.
Поради непристапноста на теренот за гасење на пламените јазици од копно, тој посочи дека побарале помош од Центарот за управување со кризи, од каде на местото пристигнал еден хеликоптер на МВР.
- Екипи на ТППЕ Струга во моментот се на терен со две против пожарни возила, а присутна е и екипа на ЈП „Национални шуми“. Зафатена е голема површина дабова шума и багрем, а постои опасност од префрлање на огнот од другата страна кон Поум, доколку не се интервенира од воздух, изјави Мазари за МИА.
Тој појасни дека истото место било зафатено од пожар и пред две години при што била изгорена голема површина багрем, дабова и борова шума.
Центарот за управување со кризи соопшти дека е ангажирана воздухопловна поддршка за гаснење на опасниот пожар шума кај селото Делогожда заради опасноста од проширување кон место што е непристапно за гаснење од земја.
Ново на Сител
-
БиХ: Дете пронајдено живо под плоча тешка два тона
-
Тепачка во дискотека во Штип - Осум луѓе побарале здравствена помош
-
Крушево: Жена возејќи „ауди“ удри во паркирано возило
-
Во Тунис денеска се избира претседател, со еден претседателски кандидат во затвор
-
Кавадарчанка пријавила напад врз малолетниот син во угостителски објект со стаклени и други предмети
-
Во израелски напад врз џамија и училиште во Газа загинаа 24 лица, а 93 се ранети
-
Петнаесетгодишно момче избодено 50 пати со нож и живо запалено во Марсеј
-
Во прекин сообраќајот на патот Ресен – Охрид, кај планинскиот премин Буково