Имаме ли доволно струја?

Дали земјава има доволно електрична енергија  и дали поради неработењето на хидроцентралите дел од потрошувачите почесто ќе остануваат без електрична енергија? Иако побаравме од АД ЕСМ не добивме одговор на овие прашања. Пред два дена половина Скопје неколку часа остана без електирчна енергија. За проблемот енергетските компании си ја префрлаа вината.

Од МЕПСО посочија дека до прекин дошло поради неможноста да ги ангажираат системиските резерви кои не биле ставени на располагање од АД ЕСМ,  и поради пад на напонот надвор од функција се дел од трансформаторите кои се во сопственост на ЕВН,  а потрошувачите приклучени на нив, останале без напојување.

Од ЕВН пак потврдија дека во нивната мрежа немало проблем.

Енергетичарите предупредија, ако не се реши проблемот со хидроцентралите, прекините  во снабдување на домаќинствата со струја ќе бидат се почести. Сметаат дека проблемот кој настана пред неколку дена треба да биде причина да се забрзаат инвестициите во обновливи извори.

Утре енергетските компании се на состанок со регулаторната комисија на кој треба да образложат во каква состојба е енергетскиoт сектор.

Пред извесно време Владата донесе одлука да го стопира работењето на хидроцентралите затоа што акумулациите се празни.

Речиси секоја зима се јавуваат проблеми со снадбувањето. Лани неколку дена дел од населбите во Скопје неколку часа остануваа без електрична енергија.

Инаку во август годинава струјата поскапе за 7, 4 проценти со образложение дека државните енергетски компании поради пандемијата имаат намалени приходи, а имаат потреба од инвестиции за да се обезбеди непречно снабдување на домаќинствата со струја.