Свет
30. November 2020 - 8:57

Индонезија: Евакуирани 2.800 луѓе поради ерупција на вулкан

Вулкан во источниот дел на Индонезија, кој вчера се активира, исфрлајќи пепел на височина од 4.000 метри, го принуди локалното население на евакуација.

Околу 2.800 луѓе од најмалку 28 села во близина на вулканот Или Левотолок се евакуирани, соопшти Министерството за вонредни ситуации, а не е забележан ниту еден случај на загинат или повреден.

Издадено е соопштение авионскиот сообраќај да биде пренасочен во таа област, а локалниот аеродром е затворен бидејќи пепелта паднала врз аеродромската зграда и пистата.

Ерупциите на вулканот Или Левотолок, кој е висок 5.423 метри и е еден од 120 активни вулкана во Индонезија, започнаа од октомври 2017 година.