Инспекторите на кредиторите ја напуштаат Атина, но преговорите продолжуваат

Инспекторите на Европската комисија се враќаат во Брисел, но преговорите со Атина продолжуваат, изјави портпаролката на ЕК, Мина Андреева.

Според неа, бил постигнат „важен напредок“ во преговорите со Атина откако во вторникот тие наидоа на неочекувани пречки за тоа  како да се осигури Грција да продолжи со економските мерки.

Мина Андреева посочи дека Европската комисија ќе продолжи да работи со грчката Влада, другите европски институции и ММФ за да се заврши целосно анализата на третата програма за економска помош на Грција.