Изборите во Хрватска не подоцна од 15 ноември

Хрватскиот сабор ќе биде распуштен пред 22 септември, а парламентарните избори ќе бидат одржани најдоцна до 15 ноември, пишува загрепски „Вечерњи лист“.

Вонредната седница на Саборот ќе почне на 8 септември, една недела порано отколку што требаше, пишува весникот и напоменува дека изборите мора да бидат распишани најрано за 30 и најдоцна за 60 дена од денот по распуштањето на Парламентот.

Претседателката Колинда Грабар-Китаровиќ изборите може да ги распише на 25 октовмри, 1 ноември, 8 ноември или најдоцна 15 ноевмри, пишува загрепскиот весник.