Јоханис: Корисна министерска средба од т.н. „Букурешки формат“
Денешната министерска средба од таканаречениот Букурешки формат во Букурешт, романскиот претседател Клаус Јоханис ја оцени како корисен настан што се одржува во важен момент, кога НАТО е во процес на примена на одлуката од средбата во Варшава, пренесе агенцијата Аџерпрес.
Шефот на романската држава во претседателската палата Котрочени ги прими министрите за надворешни работи на деветте сојузнички земји од источното крило на НАТО - Бугарија, Чешка, Естонија, Литванија, Летонија, Полска, Романија, Словачка и Унгарија, кои во романската престолнина пристигнаа за да учествуваат на министерската средба од Букурешкиот формат. Овој формат беше утврден на средбата на шефовите на држави и влади на 4 ноември 2015 година, токму на иницијатива на романскиот претседател Клаус Јоханис и неговиот полски колега Анджеј Дуда.
- Ова е корисна средба, што се оддржува во еден важен момент за евроатлантската врска, која останува суштествена за европската безбедност и за безбедноста на регионот. Земјите сојузнички од двете страни на Атлантикот треба да продолжат да инвестираат во нејзиното зацрвстување. Тоа е важен момент и за НАТО како организација. Алијансата е во целосен процес на примена на амбициозните одлуки од Варшава во еден сложен контекст од безбедноста гледна точка, што продолжува да биде одбележен од недостигот на напредок во решавањето на жариштата на кризата, но и на новите тензии, посочи Јоханис по средбата со министрите.
Тој забележа дека, согласно лани прифатената декларација, земјите од Букурешкиот формат имаат специјална одговорност по однос на безбедноста и стабилноста во регионите на Балтичко и Црно Море.
-Се надевам дека денешните дискусии на министрите ќе придонесат за успешно реализирање на овие одговорности, посочи Јоханис.
Ново на Сител
-
ВМРО-ДПМНЕ: СДСМ призна дека ја задолжи Македонија до енормни граници
-
Кривична за Мерко за бесправно градење
-
СДСМ: ВМРО-ДПМНЕ ја носи Македонија во финансиско заложништво
-
Борел: Сакаме да ја видиме Северна Македонија како напредува кон ЕУ
-
ДЗС потпиша договор со двајцата пензионирани пилоти на „Ер трактор“, се очекува нивно вклучување во гаснењето на пожарот во Неготинско
-
Таравари: Останав конзистентен, влегов во политика за да донесеме промени во албанскиот блок и тоа се случи
-
„Влен“ ќе има седум заменици-министри, Ељфете Исмаили во одбрана, а Фљакрон Беџети во земјоделство
-
МВР: Претреси во Тетово, пронајдена е дрога и приведени се две лица