Каде ќе биде технолошкиот парк Скопје за кој Џон Малковиќ најавува инвестиции?
Идејата на филмската ѕвезда Џон Малковиќ во Скопје да се изгради големо филмско музичко студио по холивудски терк е се уште жива и чека одобрување од Владата. Познатиот американски актер најави дека ова ќе биде прво студио од ваков тип на целиот Балкан и ќе почне со инвестицијата откако ќе заврши законската процедура за проектот Скопје технолошки парк. Во изјава за МТВ Малковиќ открива зошто токму во Скопје сака да инвестира во ваков проект и како ќе изгледа студиото.
На овој проект вели му придава специјално значење бидејќи и самиот потекнува од Балканот.
Од Владата велат Технолошки Парк Скопје се уште е во фаза на утврдување на статусот на стратешки инвестициони проекти за кои течат рокови за постапување согласно Законот. Според информациите на Сител, идејата за овој проект е стара повеќе од три години и истата американската филмска ѕвезда му ја предложил лично на тогашниот премиер во Владата.
Џон Малковиќ деновиве е во посета на Србија во Феликс Ромулијана, римско наоѓалиште покрај Зајечар, каде глуми во претставата „Пеколна комедија – исповед на серискиот убиец“.
-
Мирјана Давидовска
Сите содржини од овој новинар