Каевски: По синоќешните инциденти мора да следува одговорност од сторителите и организаторите
СДСМ најостро го осудува насилството на протестите организирани од ВМРО-ДПМНЕ и проруската Левица и бараме одговорност.
Во насилствата пред Собранието повредени се 47 полицајци, од нив 11 се со потешки повреди.
Насилници маскирани со качулки, со камења, шишиња, молотови коктели вчера ја нападнаа македонската полиција, во обид да го повторат упадот во Собранието од 27 април.
Целата јавност вчера на дело ја виде насилничката матрица, вистинското лице на ВМРО-ДПМНЕ и нивниот партнер, проруската Левица.
Организаторите, Христијан Мицкоски и Димитар Апасиев, ги водеа насилните протести и кога почна насилството воопшто не се обидоа да ја смират толпата.
Досега нема ниту збор за осуда на насилството, ниту една порака за повредените полицајци.
Мицкоски и Апасиев најмалку што можат да направат денеска е да им се ивинат на граѓаните, да им се извинат на семејствата на полицајците и да посетат некој од повредените полицајци.
Почитувани,
По синоќешните инциденти, мора да следува одговорност од сторителите, но и од организаторите и од оние кои го поттикнуваа насилството.
СДСМ го осудува секој вид на насилство и ги повикува граѓаните да останат смирени, да не подлегнуваат на провокациите и повиците за насилство на антиевропските ВМРО-ДПМНЕ и Левица.
Заедно со институциите, заедно со граѓаните, нема да дозволиме насилничкото однесување и црните сценаријата на ВМРО-ДПМНЕ и Левица да ја загрозат стабилноста на државата.
Прес-конференција на Дарко Каевски, портпарол на СДСМ и пратеник
Ново на Сител
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје